انتي مجروحه دلوقت ؟
الليل بتحسيه طويييييييل أوي
و النهار ممل و تايهه فيه ؟
طووووول الوقت حاسه بوهن
فيه ألم في قلبك ملازمك
مش بس قلبك
كمان كرامتك و كبرياءك
بتسألي نفسك
ليه يا رب ؟
عملتله ايه وحش ؟
مش هو اللي جري ورايا
و رسملي طريق الأحلام
و مافتحتش قلبي إلا بعد ما حسيت و إتأكدت إنه صادق
ماتسرحيش كتير
و ماتفكريش أوي
قومي اتوضي و صلي ركعتين شكر لربنا
درس إتعلمتيه
كان قاسي شويه
بس كان مهم
قلبك يفضل زي الجوهره في علبه قطيفه
تستودعيه ربنا
لحد ما يأذنلك بالفارس اللي هيحبك من بعيد
و يدخل من الباب
و تعيشي معاه أجمل قصة حب حلال
و علي فكره إنتي أبدا مش وحشه
بس ربنا مابيحبش حد يشاركك قلبك معاه
إتعلمتي بقي ؟
لــ د/ عمرو فؤاد |
ربي اجعل قلوبنا نقية حتى يكون نصيبنا ينفس القلوب صافبة
ارزقنا الثبات وحفظ اللسان وغض البصر يااااربي لكل بنات النبي يااارب
مش عايزين نعصيك فقوينا ياااااااااااااربي
اللهم صل ع سيدنا محمد