هناك أربع أخوه بنتين وولدين متزوجون وزى منتو عارفين أن كل عائله لها يوم تتجمع فيه ومره وهم جالسين( وبدون الطرف الأخر) ويضحكون قال احمد الكبير والله ودي أتزوج الثانية , ما درى إلا وهذيك الشهقة من حصة( اختة الثانية ) ول ليه زوجتك ماتت عشان تتزوج أعوذ بالله أعوذ بالله .
محمد : (الأخ الثاني )يا رجل احني قادرين على وحده لما تقول الثانية بعدين مررره Headache خل عنك الخبال .
احمد : أعطوني نفس خلوني أتكلم أشفيكم , بعدين الإسلام حلل أربع وتقول الآية الكريمة بسم الله الرحمن الرحيم .
حصة
فإن خفتم ألا تعدلوا فواحدة ) احمد يا حصة خليني أقول الآية بعدين أنتي جبتي أخر الآية
حصة: هذا الى انتو فالحين فيه يا رجال الكلام بس , ومن في الزمن هذا يعدل انته ما تشوف جماعتنا الواحد شايب ويتزوج ثنتين وثلاثة ويعيشهم على الجمعيه ولا يدري أولاده بأي صف .
محمد : يا حصة لا تعممي شوفيني أنا أحب حرمتي ولا يمكن أتزوج والله يخليني لعيالي ويخليهم لي .
احمد : قلنا اكبر من الكلام هذا ولسع انته في الخمس سنين الأولي و هذا كلام الضعيفين الي من البيت للعمل مو اجتماعي .
محمد: ايش دخل الاجتماعي في الموضوع .
احمد : ياخي كل العظماء عبر التاريخ متزوجين أكثر من وحده من الرسول صلى الله عليه وسلم وألص
حصة : انته مو رسول بعدين انته تأخذ الى يعجبك وتقتدي فيه ولا فين لحيتك يا شاطر إذا تتكلم عن الرسول صلى الله عليه وسلم , والله لو يتزوج على زوجي لأقطعه وأحطه في كيس زباله وارميه .
احمد : أه من المسلسلات الى خربتكم , خليني أكمل بس أقول حتى الصحابة تزوجوا أكثر من وحده مرورا بالملوك عبر التاريخ الى عصرنا الحالي من تجار الى شيخ القبيلة ولا عمركم شفتو شيخ قبيلة ما خذ وحده بس ما يصير .
فاطمة : (الأخت الكبيرى) خلصتو من المصارخ احمد أبقولك شي انته عندك بيت ملك غير الشقة ألي معطيك إياها أبوي احمد لا ,طيب عندك دخل ثاني غير الراتب. احمد لا هي ستة ألاف مغيرها ولا تكفي ,طيب كيف تفتح بيت ثاني .احمد الله الى يرزق, فاطمة صح بس الواحد يجتهد ويقدر الأمور يا احمد أنا مو معارضه فكرة الثانية بس (وكلعاده حصة أنا معارضه وبقوه) دقيقه يا حصة الله يهديك بس الواحد يرتب أموره و يكون عنده بيت ملك ودخل طيب بعدين الله يوفقه والله الي يحاسب المقصر او الذي لا يعدل .
احمد لقيت الحل الملك الله يحفظه لنا
الكاتب : قولوا أمين يا جماعة هذا أبو متعب .
احمد : حتى الكاتب صار يقاطعني أقول الملك أمر بـ 52 آلف وظيفة نصيب الأسد للبنات أنا أبغى أتابع ألنت والى تتعين من حولي أبي اخطبها وكذا حليت ألمشكله حصة بالله من ألي تبي تطل في وجهـ..احمد اقو ل اص الكاتب تعب بعدين يتركنا على الوورد وما ينشر حوارنا في منتدى قصيمي نت .
إخواني أسف على الإطالة وأتمنا تضيف رايك عبر الاستطلاع المرفق .
