السلام عليكم ورحمه الله وبركاته
أنا جاية النهارده احكيلكم حكاية
عن بنوتة جميلة
بنوتتنا ملتزمة من صغرها
وكانت قافلة على قلبها
وقالت مش هفتحه الا فى الحلال
علشان تطيع ربها
وفى يوم يا سادة يا كرام
البنوتة دخلت فى حوار
هى طبعا مشهورة بالأخلاق والالتزام
ومن بعيد شاف صاحبنا كلامها
وقال ايه اللى بكتبته دا .....الله
قام بعتلها وقالها بسم الله ما شاء الله
ربنا يبارك فيكى كمان وكمان
قامت بنوتتنا رديت وقالت كلمة والسلام
وصاحبنا كل يوم على دا الحال
(أصل البعيد مرغوب)
ومرة فى مرة بقا فى كلام
(((أرجعى يابنوتة مينفعش دا حرام)))
بس قالت عادى كلمة وخلاص
وأنا عارفه نفسى مش هعمل حاجة حرام
دا أحنا أخوات
(ولا متخذات أخدان)
وطبعا صاحبنا قالها انا مبكلمش بنات
والحمد لله حافظ القران(....هو دا ....هو دا )
وكمان الصلاة مع الأذان (مفيش بعد كدا كلام)
واتعلق قلب البنوتة وقالت هو دا وبعده مفيش حياة
ولما بان على البنوتة حبها
قام صاحبنا قالها مينفعش حب من كلمتين والسلام
لازم أشوقك ونقول كل الكلام
والبنوتة قالت لأ طبعا دا حرام....
( الحمد لله وقعتى قلبى )
بس شوشو قالها وقفة من بعيد الواد هيضيع []
(لااااااااااااااا)
وراحت البنوتة ومرة تجر مرة
وفى يوم رجعت البنوتة مفيش بعد كدا سعادة وانسجام
ولأن الكدب ملوش رجلين ولا ايدين
صاحبنا نسى موبيلاته وباسورداته مع البنوتة
وفتحت البنوتة وشافت اللى معاها عايشين فى الأحلام
واللى قلبها كانوا بردو فى الأوهام
واتكسر قلب بنوتتنا وخسرت نفسها وفين الالتزام
بس الحمد لله لسه فى أمل يا ناس
رجعت بنوتتنا لربها
{ يا أيها الناس توبوا إلى الله واستغفروه فإني أتوب إلى الله في اليوم مائة مرة }
رجعت البنوتة لحبيها وقالت ازاى أنا أحبك غيرك دا أنت حبيبى ومليش غيرك
أصل حبيبها عمره ما كسر قلبها
أصل دا ربها
بيغير والله على قلبها
ومن يومها وبنوتتنا من بعيد ولا كلمة ولا كلمتين
ولا حاجة أسمها أخويا ...دا كان زمان
أصل مينفعش أحفظ القرآن ومعملش بيه
ولا ينفع أصلى وقلبى بعيد
وكمان بغضب ربى
(هو صاحبنا نسى انه كما تدين تدان)
وفى نهاية الحدوتة نقول لكل بنوتة
أوعى تصدقى كلام ووعود فى الأحلام أصل دا كله أوهام
اللى بيحبك عمرك ما شوفتيه أصله مستحيل يضرك
ويفتح حوارات
دا هيبعدك عن النار وأى حرام
وهتفتحى الباب تلاقيه ماسك دبلة وبوكية
