يعني الشخص اللي تفضلي بتجاكري طول اليوم
واليوم اللي ما تجاكري تحسي إن في حاجة غلط في يومك
يعني لما يكون نفسك في حاجة
تتصلي عليه وتقوليله هاتلي حاجة حلوة وإنت جاي
يقولك : يوووووووووه مش هجيب
وفي الاخر تلاقيه داخل عليكي بأكتر حاجة بتحبيها
يعني لما تحبي تدلعي عليه تكبريه وتقوليله يا بابا
يعني لما تعملي حاجة غلط يزعقلك
وتشوفي خوفه عليكي في عينيه فـ تفرحي
يعني لما يغير عليكي تبينيله إنك زعلانة
بس من جواكي هتموتي من الفرحة
يعني لما حد يعملك حاجة
إنتي متأكدة إن وراكي راجل هيجبلك حقك
يعني لما تتأخري شوية
لما ترجعي يعمل معاكي تحقيق عشان خايف عليكي
يعني يوم فرحك وهو بيسلم عليكي
هيقولك : اخيراً هتسيبي البيت وأخلص من قرفك وهاخد أوضتك
ويحضنك والدمعة تنزل من عنيه
ويقولك : هتوحشيني يابت وهتوحشني رزالتك عليا
أخوكي دا نعمة من عند ربنا
حتي لو علاقتك بيه مش أوي وبتخافي منه
بس أول ما يحس إنك محتجاه وواقعة في مشكله
أول واحدد هيقف معاكي ويأخدك في حضنه
هو ( أخوكي)
